علق الرئيس عبدالفتاح السيسي، عن المسار والفكرة الجديدة،قائلا «هقول حاجتين تعليقا على المسار والفكرة وهأقولكم على الكلام ده من باب التجربة، فيه فرق بين الفكرة وتنفيذها، الدكتور زويل الله يرمحه جالي في 2014 وقال عاوز أعمل جامعة زويل قلتله إيه المطلوب مني؟ قال ولا حاجة أنا بس عاوز الهيئة الهندسية هي اللى اتنفذ، قلتله يا دكتور زويل هل تضمن تبرعات إقامة الجامعة؟ قال طبعا، وكان ساعتها المبلغ اللى معاه حوالى 500 مليون جنيه، والبرنامج بتاع الجامعة ضخم قوي، قلتله يا دكتور زويل أنت هتعتمد في الفكرة على تبرعات الناس، أيا كان الناس اللى وعدوك.. مش كل فكرة لازم تنجح إلا لما تكون عارف كويس هتعمل إيه، وتصر على إنك تنجحها ما تسيبهاش.. وقدر الله وحصل اللى حصل يبقا الهيئة الهندسية تكمل المشروع».

واستكمل الرئيس السيسي، خلال مؤتمر «حكاية وطن» في يومه الثالث والأخير، قائلا «فيه رجل أعمال فاضل جدا في 2015 قال عاوز أعمل حاجة خيرية وقالي عملت تصميماتها في أمريكا وبرضه عاوز الهيئة الهندسية تعملها، قلتله الفكرة اللى انت حاططها غير قابلة للنجاح فقال ليه؟ قلتله وبقول للمصريين في الفلوس انا عندي مشكلة اشوفها بشكل متتخيلهوش في ضعفها وفي قوتها».

وأضاف الرئيس السيسي، قائلا «أنت بتتكلم على مستشفى هتتكلف 20 مليار جنيه هتقدر تجيب الرقم ده؟ وعدد الأسرة اللى انت حاططها فوق الألف سرير، طيب انت عارف المريض هنا بيتكلف كام؟، متصور انك انت عاوز 4 مليارات جنيه تكاليف تشغيل المستشفى على الأقل، صدقنى مش قابلة للنجاح، فقالي انا هكمل وانا عارف وهجيب التبرعات بتاعتها ومعايا مليار وشوية وده كان رقم كبير قلتله ماشىي، طيب حد يقولي طيب انت عارف انها مش ناجحة طيب بيتعملها ليه ؟، لا ده أنا باخد الفكرة غير القابلة للنجاح وأنا أعمل إيه؟، أنجحها».

واستكمل الرئيس السيسي، قائلا «وزير الصحة جابلي معهد ناصر وقال شوية تطوير يعني قلتله لا يا خالد معهد ناصر هايبقى مدينة طبية عالمية تتكلف كام؟ وتتعمل ازاى ؟ انا اتصرف فيه مش الحكومة تتصرف فيه وده مسار تاني»، لافتا أن «المستشفى حط الفلوس وانشغل في حياته كلفت حتى الآن 6 مليارات جنيه وهتوصل 10 مليارات غير التجهيزات وعملنا اختصار للعدد من إلف إلى 340 سريرا، بقرأ في الجرايد وكل اللى بتكتبوه وتقولوه وبتعلم منه، المستشفى دي كان المفروض يتعملها معمل نووي لعلاج الاشعاع بـ 46 مليون دولار.. مستعدين لمستشفى عالمي يجي ياخدها القطاع الخاص ونشترى منه الخدمة وهو يديرها واحنا الخدمة هتبقا ببلاش للناس، ولكن إدارة عالمية بالقطاع الخاص ونشترى منه الخدمة، حبيت أقول الكلمتين دول ان الممكن القطاع الخاص يعمل مستشفيات".

الرئيس السيسي للقطاع الخاص

قال الرئيس السيسي: «اذا كنتم عاوزين تضمنوا مسار ناجح.. الدولة تخلص تلاتة ارباع المشوار وتسيب الربع للقطاع الخاص يعني اعمل المستشفى بالمواصفات اللى انت عاوزها واديهالك وانت تديرها كانك انت عملتها لان لو علشان اديهاله هيعوز تخصيص حتة ارض والتصميم والتنفيذ وقرض من البنك علي ما تخرج المستشفى تاخ من 5 – 7 سنوات»، «معايا انا بقا تاخد سنتين وبقوله انا خلصتلك المشوار تعالي دير ،الفكرة علشان موضوع العلاج في مصر بنقول انا ممكن يكون عندي 700 مستشفى لكن ظروف ادارتنا قد تكون غير مشجعة وغير محفزة».

انطلقت فعاليات اليوم الثالث والأخير من مؤتمر «حكاية وطن.. بين الرؤية والإنجاز»، المنعقد بالعاصمة الإدارية الجديدة بحضور الرئيس عبد الفتاح السيسى.

وكان الرئيس عبد الفتاح السيسي افتتح أمس السبت 30 سبتمبر 2023، مؤتمر «حكاية وطن»، والذي ينعقد داخل العاصمة الإدارية الجديدة، بمشاركة وزراء وسياسيين وشباب وإعلامين وممثلين عن جميع فئات المجتمع.

وشهد اليوم الأول جلسات مهمة تركز على محاور الاقتصاد، ويشارك فيها كبار الوزراء، حيث يحضر الدكتورة هالة السعيد وزيرة التخطيط والتنمية الاقتصادية، ودكتور محمد معيط وزير المالية، وأحمد سمير وزير التجارة والصناعة، ودكتورة رانيا المشاط وزيرة التعاون الدولي، وتتناول هذه الجلسات سياسات وبرامج الحكومة في دعم الاقتصاد المصري.

أما عن اليوم الثاني، فيشهد جلسات تركز على قطاعات الطاقة والبنية التحتية، ويشارك فيها دكتور محمد شاكر وزير الكهرباء والطاقة المتجددة، والمهندس طارق الملا وزير البترول والثروة المعدنية ويتم خلال هذه الجلسات مناقشة مشروعات قومية كبيرة وجهود تطوير البنية التحتية.

بينما يشهد اليوم الثالث والأخير جلسات تركز على مجالات السياسة الخارجية والأمن القومي، ويحضرها سامح شكري وزير الخارجية والمستشار عمر مروان وزير العدل، واللواء محمود توفيق وزير الداخلية، يتم خلال هذه الجلسات مناقشة قضايا الأمن القومي والعلاقات الدولية.

فيما يتعلق بالجلسات المخصصة للعدالة الاجتماعية والصحة تشهد حضور د خالد عبد الغفار وزير الصحة والسكان، ود نيفين القباج وزيرة التضامن الاجتماعي، وسيتم ختام الفعاليات بجلسة ختامية تجمع كبار المسؤولين لاستعراض نتائج المؤتمر والتوجهات المستقبلية للتنمية في مصر.