قال الرئيس عبد الفتاح السيسي، إن الدولة تهتم بدعم وتطوير الصناعة لتغطية احتياجات السوق، متابعا: "هناك اهتمام بدعم وتطوير الصناعة وقولت الكلام ده السنة اللى فاتت،الهدف الأكبر لتغطية احتياجات السوق المصري".

وأضاف الرئيس السيسي، خلال افتتاح فعاليات المعرض والمتلقي الدولي السنوي للصناعة، في دورته الثانية، «وبالمناسبة نحقق صادرات 35 مليار دولار، طب مستلزمات الإنتاج اللى فيهم كام بالدولار، لو مستلزمات الإنتاج 30 مليار دولار، يبقي العائد من كل اللى بنعمله ده 5 ملايين دولار، دول كلهم أو نسبة كبيرة منهم تتعمل داخل مصر، وده ممكن اللى تعمله الشركات الصغيرة، تلبية السوق المصري من كل شيء مش بس في الصناعة، المكون المحلي بتزيد بشكل مستمر».

وأوضح الرئيس السيسي: «صناعة السيارات من زمان أوي من الستينيات وقبل كده، المكون المحلي قد إيه، تجد اللى المصنعين بيعملوا نفس الحاجة، نسبة المكون المحلي بتكون 45 – 50 %، الاقي الشركة دي زي دي زي دي، 25 % بس يتكلموا مثلا بـ 20 % من شركة تانية، مش كلكم زي بعض، الإكسسوارات أو التنجيد بتاعها، أو الصاج، حاجات أخري تدخل في صناعة السيارات».

وتابع الرئيس السيسي: «دور اتحاد الصناعة ووزارة التجارة والصناعة، أنت بتقولي 45 % أو 50 % بس هي حاجة واحدة، نفس المكون طب والباقي.. ده مهم أوي نكون واخدين بالنا، مستعد أعمل المنشأة المدنية مهما كانت التكلفة علشان أخلي رجال الصناعة يركزوا في المعدات علشان يحصل نقلة كبيرة في المسار اللى بنتكلم فيه«.

قال الرئيس عبد الفتاح السيسي، إن الدولة جاهزة لتأهيل 100 مدرسة تعليم فني سنويا في إطار تطوير الصناعة، متابعا: "المهندس السويدي كان بيتكلم أننا محتاجين ألف مدرسة.. مستعدين لأي تأهيل مدراس فنية ويعاد تخصيصها وموجود بالفعل وعندنا آلاف المدارس والدور اللي بتقوم به مش مفيد في الواقع".

وأضاف الرئيس السيسي، أن: «مستعدون لتخصيص ونعيد تأهيل أي مدارس بالشكل اللى يحقق الهدف والغرض من تطوير الصناعة».

وحول الأوضاع في المنطقة قال الرئيس السيسي، أنه حذر من اتساع مجال الصراع، فهو أمر لن يكون في صالح المنطقة، ستصبح المنطقة قنبلة موقوتة»، مؤكدا أن الاستقرار هام للغاية لدولتنا ومنطقتنا، مشيرا آلى أن حالة الغضب والاندفاع في رد الفعل، قد نندم عليه في حالة خروج الأمور عن السيطرة، متابعا، بالأمس دخلت طائرات مسيرة إلى الأراضي المصرية، وتم إسقاطها.

وقال الرئيس عبد الفتاح السيسي: «بشوف بعض التعليقات على مواقع التواصل وتفاعل شبابنا والناس»، متابعًا: «اللي لفت نظري هو حالة القلق المتزايدة، وظاهرة القلق ظاهرة إيجابية بس دوري إن أنا أطمنكم مصر حريصة على أنها تلعب دور إيجابي للغاية في إطار فهم ان الاستقرار مهم للمنطقة وبنبذل جهد كبير جدا من أجل تحقيقه».

وتابع الرئيس السيسي، إن «مصر دولة قوية جدا ولا تمس»، مسجلا تقديره بقرار الجمعية العامة للأمم المتحدة بوقف العنف والاقتتال في قطاع غزة، وحذر ايضا من اتساع نطاق الصراع والأزمة ممكن أن تتحول للمنطقة بأكلمها.

وأكد الرئيس السيسي، أن الدولة المصرية بفضل جيشها وشعبها وشبابها قادرة على حماية أمنها تماما، وحرص على التأكيد لأصحاب المصانع بالاستعداد الكامل لتوفير أي دعم تحتاج إليه هذه المصانع من أجل زيادة الإنتاج والتوسع في العمل والإنتاج.

وعلق الرئيس السيسي، لصاحب مصنع بمحافظة البحيرة متخصص في تصدير الخضروات والفواكه والمحاصيل الزراعية: «لو عاوز تعمل محطة أو اتنين أو تلاتة، مستعدين نساعد معاك، في الأماكن اللى أنت عاوزها، بدل 25 ألفا أو 40 ألف طن، عاوزين 100 و200 ألف طن،وإحنا معاك ومستعدين لأي دعم».

وأضاف الرئيس السيسي لصاحب شركة صناعة طبية متخصصة في صناعة السرنجات: «لو فيه فرصة للسرنجات ذاتية التدمير،مستعدين نساعدك في جزء من اللى بيتعمل أو كله، مستعدين نساعد».

وعلق الرئيس عبد الفتاح السيسي على حديث مسئول شركة «مابكو» لتصدير الموالح ضمن مبادرة «ابدأ»، قائلا: «لو عاوز تعمل محطة اتنين تلاتة مستعدين نساعد»، مضيفا «عاوزين التصدير يوصل لـ 100 ألف و200 ألف ربنا يوفقك».

واستعرض الرئيس السيسي عبر الفيديو كونفرانس الموقف التنفيذي لعدد من المصانع ومدارس التعليم الفني خلال افتتاح فعاليات النسخة الثانية للمتلقي والمعرض الدولي السنوي للصناعةصباح اليوم السبت 28 أكتوبر 2023.

وخلال عرض بعض المشاريع، أكد الرئيس السيسي، لأصحاب المشروعات والنماذح الناجحة المساعدة لدعم هذه المشروعات والوصول بها إلى المستهدف، ومنها مشروعات زراعية وصناعية

كان قد ووصل الرئيس عبد الفتاح السيسي، مقر انطلاق فعاليات النسخة الثانية للمتلقي والمعرض الدولي السنوي للصناعةصباح اليوم السبت 28 أكتوبر 2023

ويعتبر الملتقى من أكبر الفعاليات التي ينظمها اتحاد الصناعات المصرية، والمعرض يهدف إلى دعم المبادرات الدولية التشاركية بين الكيانات الصناعية على المستويات الإقليمية والإفريقية والعربية والدولية، لتحقيق التنمية الاقتصادية المستدامة، ويضم مستثمرين ومؤسسات اقتصادية متعددة، والاستشاريين المتخصصين في مختلف القطاعات الصناعية، ويركز مؤتمر ومعرض اتحاد الصناعات على تطوير الصناعة المحلية من خلال التنمية البشرية وبناء الإنسان ضمن استراتيجية الدولة المصرية.