نشبت أزمة حادة بين مطربا المهرجانات عمر كمال وحمو بيكا، حيث خرج كلا منهما ببث مباشر على صفحته الرسمية على موقع التواصل الإجتماعى "فيس بوك" وأدلا بدلوهما.
قال الفنان عمر كمال للبوست الاقتصادي عن الأزمة بينه وبين حمو بيكا: انا فوجئت إن حمو بيكا منزل صورتي وعليها x وكاتب كلام غريب، ووصفنى بإنى صاحب مزيف، كل ده عشان هو دبسنى فى شغل من غير ما ياخد رأيى، لذلك رفضت.
وتابع كمال، سبب الخلاف ان حمو إتفق مع واحد بتاع بوتيك فساتين على شغل أعمله أنا وهو بدون ما ياخد رأيى، ووضعنى أمام الأمر الواقع، وأنا ما ينفعش اوافق على شغل زى ده.
وعلق الفنان عمر كمال على غضبه من حمو بيكا، احنا مش متعودين على أن يتفق احدنا على عمل دون راى الآخر، وأنا بتصل بحمو بيكا وأسأله عن أجره قبل الاتفاق على مشاركته في الحفلات،أنا بتصل بيه وبقدره وأقوله هتاخد كام.
واوضح كمال انه لم يكن بيننا مشاحنات، واللى قاله بيكا فى البث المباشر عن تراك "انتى معلمه" انا أخدته من حمو بيكا وشمس المجرة إنتاجي وإلحاني أنا سايبهوله على قناته بتجيبله فلوس، وبنتخان ومساء النقص وفايقة ورايقة وكل التراكات سايبهاله على قناته بياخد فلوسها.
ونفى الفنان عمر كمال عن اتخاذه أى إجراء ضد حمو بيكا، قائلا انه" ابن أصول وعمرى ما أضر واحد دخل بيتى وأكل عيش وملح معايا، ولكن سأقوم بغلق التراكات التى شاركته فيها من على قناته على اليوتيوب".
