مع ثالث أيام رمضان، حلت النجمة فيفي عبده ضيفة على برنامج «حبر سري»، مع الإعلامية اسما إبراهيم، على قناة القاهرة والناس، وكشفت عن فيفي عبده عن أسرار منها شراء كفن كل عام وخيانة الرجالة ورأيها في الزواج العرفي وغيرها من تفاصيل حياتها الخاصة.
فيفي عبده توجه رسالة للستات
قالت فيفي عبده، إن جميع الأزواج لديهم نزوات ويخونون الزوجات، قائلة: «الرجالة كلها بتخون، واللي تقول مش بيخون وماشي على الصراط المستقيم؛ مش صحيح، ولا بد يكون الراجل عنده نزوات، وبتبقى قمر وتتخان، والمفروض تعمل نفسها مش عارفه».
وأوضح فيفي عبده، «الست لو واجهت الراجل بخيانته؛ أكبر غلط ليها في الحياة»، متابعة: «الحياة دلوقتي صعبة، ونسبة الطلاق عالية جدا، وهي حقها تفتش وراه، وحقه يخلي باله من مراته، ولكن الست لازم تفهم إنها لو عرفت إنه بيخونها؛ تطنش».
واستكملت قائلة «الراجل لو بيحب مراته؛ يبيع أي حاجة في الدنيا عشانها، لكن هي لازم تستحمل وتعدي، وكان في ناس تحاول تشككني في جوزي ولكن ماكنتش بعطي فرصة لكده».
فيفي عبده بشتري كفن كل عام
وكشفت فيفي عبده، عن قيامها بشراء كفن لها كل عام من السعودية ثم تتصدق به ولم تكتب وصية، قائلة: «أنا كل سنة بشتري كفني من السعودية وبعدين اطلعه صدقة ومش كاتبه وصية وسيباها على الله وأولادي عندهم قناعة بالرزق ورأي اللي يموت ميسبش حاجة ويصرف لآخر مليم».
وأضافت فيفي عبده، أن الانسان هو الذي يعمل ويحصل على الفلوس وليس العكس، ولابد من اهتمام كل انسان بصحته لان الصحة هي الكنز الحقيقي، قائلة: «القرش احنا اللي بنجيبه مش هو اللي بيجيبنا وصحتنا أهم حاجة».
وتابعت قائلة: «الناس عماله تفلسع ولازم افكر في التربة وفجأة تلاقي الناس كتير بتموت وكل أسرة فيها ناس تموت، وفي وقت كورونا قعدت سنتين مشوفش حد خالص وأول خروجة خرجتها رجعت مصابة، ودي من ضمن الحاجات السودة اللى مريت بيها وفضلت معزولة ولا حسه بحاجة».
فيفي عبده والزوجة الثانية
أكدت النجمة فيفي عبده، رفضها فكرة الزوجة الثانية وأن تكون زوجة ثانية وفي حالة معرفتها بأن زوجها متزوج غيرها؛ لا تريد معرفة تفاصيل عن هذه الزيجة ولا مشاكلها، قائلة: «ما أقدرش أكون زوج تانية، ولو هو متجوز؛ أنا ما أشوفهاش ولا أعرفها، ولا عايزة أعرف حاجة».
وأوضحت فيفي عبده، أنها حال معرفتها بأن زوجها متزوج قبلها؛ تطالبه بعدم نقل أي تفاصيل مشاكل لها، متابعة: «أنا مش بدور على الراجل، ولكن هو اللي بيدور عليا، وما تسمعنيش أي مشكلة لحد، ولا عايزة أعرف غير إنك راجلي وجوزي».
فيفي عبده تعترف بالزواج العرفي
أكدت فيفي عبده، اعترافها بالزواج العرفي واعتبارها لهذه الفترة، كأنها فترة خطوبة، قائلة: «أعترف بالجواز العرفي؛ لأني ما أخليش الراجل يلمسني إلا لما يتجوزني، وأعتبرها فترة خطوبة، وبعدين أكتب كتاب رسمي، وكل اللي اتجوزتهم محترمين، وحظي كان كويس».
