شهد الرئيس عبد الفتاح السيسي والسيدة قرينته احتفالية يوم المرأة المصرية، موجها العديد من الرسائل الهامة خلال الاحتفال بالإضافة إلى تكريم الأمهات المثاليات والنماذج المشرفة.

- الرئيس السيسي: أوجه تحيه إجلال وتقدير لكل مرأة مصرية.

-الرئيس السيسي: المرأة هي الحارس الأمين للهوية المصرية.

-الرئيس السيسي: هناك تكليف إلهي بالعناية بالمرأة

-الرئيس السيسي يوجه بمراجعة ملف المساواة بين الجنسين.

-الرئيس السيسي: تشجيع الاقتصاد الرقمي بما يمكن المرأة اقتصاديا.

-الرئيس السيسي: توفير التمويل اللازم بأقل الشروط وتوفير الدعم الفني في مجال ريادة الأعمال.

-الرئيس السيسي يوجة بإنشاء متحف المرأة المصرية في العاصمة الإدارية.

-الرئيس السيسي: لابد من تحويل الحديث عن حماية المرأة إلى قوانين وتشريعات.

- المرأة المصرية هي من تحملت تبعات الأزمة الاقتصادية خلال السنوات الأربع الماضية

-الرئيس السيسي يوجه بتخصيص 10 مليارات لصندوقي تنمية الأسرة وكبار السن.

الرئيس السيسى: نتحرك لوقف إطلاق النار وإعادة الإعمار فى غزة.

-الرئيس السيسي لوزيرة التضامن: "مش تسيبى مكانك إلا لما تاخدي حقك".

-الرئيس السيسى لـ«المحتكرين»: ممكن الحكومة تدخل تجيب سلع من أجل توازن السوق.

-الرئيس السيسى: إحنا في وضع أحسن كتير والأمور بتتحسن وهتتحسن.

-الرئيس السيسي: الرجولة مش بالصوت العال-.. بالإنسانية والسعة والصبر

-الرئيس السيسي يمازح السيدات: «متحطوش سكر كتير على الكنافة».

وأكد الرئيس السيسي، أن هناك تكليف إلهي بالعناية بالمرأة وهي الحارس الأمين للهوية المصرية موضحا أن المرأة المصرية هي من تحملت تبعات الأزمة الاقتصادية خلال السنوات الأربع الماضية.

ووجه الرئيس عبد الفتاح السيسي، خلال كلمته في احتفالية يوم المرأة المصرية 2024، بإنشاء متحف للمرأة المصرية ويكون مقره العاصمة الإدارية الجديدة.

ووجه الرئيس عبد الفتاح السيسي خلال احتفالية يوم المرأة المصرية، بتخصيص 10 مليارات جنيه لصندوقي تنمية الأسرة وكبار السن.

قال الرئيس السيسي لوزيرة التضامن خلال إلقاء كلمتها في احتفالية يوم المرأة المصرية، تعليقا على الأموال المخصصة لصندوق دعم الأسرة المصرية وصندوق دعم كبار السن: «مش تسيبي مكانك إلا لما تاخدى حقك، ولو نزلتى الدكتور مصطفى مدبولى مش هيدفع خلاص، الدكتور مصطفى قدام الناس مش هيقدر يقول لا».

وتحدث الرئيس السيسي، خلال كلمته في احتفالية يوم المرأة المصرية والأم المثالية مع الدكتور مصطفي مدبولي رئيس الوزراء: "الدكتور مصطفي مشرف، هناخد كام؟، هو الدكتور معيط موجود؟، ليرد عليه رئيس الوزراء قائلا: "5 مليارات لصندوق تنمية الأسرة"، ليرد عليه الرئيس السيسي: "طب وصندوق كبار السن».

وأضاف الرئيس السيسي: " قولنا أن كل اللى هنقدر نجيبه للصناديق دي هنبقي حريصين الحفاظ على الأصول، بنزود الأًصول وهيدخل عائد مع باقي البنود، انا كنت عاوز اخد أكثر من كده، ربنا كرمنا، ونخصص 5 مليارات لكل صندوق".

نتحرك لوقف إطلاق النار وإعادة الإعمار في غزة

قال الرئيس السيسي خلال احتفالية المرأة المصرية: "اتسالت سؤال من إحدى السيدات الفضيلات قالت خايفة جدا من الواقع اللى حوالين مننا هنا وهنا، رديت عليها وقلت: متخفيش من بره خالص، وأنا بقول لكل مصري متخافوش خالص من بره، لأن ربنا موجود قبل كل شيء وأحنا بنحاول نراعي ربنا في التعامل مع القضايا دى، لكن دايما اللى عينا عليه هو الداخل أن أحنا نخلي بالنا، وبكلم الأمهات والآباء وبتكلم معاكم كتير علشان أسجل الظروف والمواقف، المهم خالوا بالكم من الداخل من نفسكم من الولاد الصغيرين علشان مشفوفش التجربة اللى مرينا بيها في 2011".

وتابع: "مفيش أمور بتتعمل بالتمني ولكن بتتعمل بينا كلنا ومن خلال برامج من الدولة وبالإعلام والمفكرين والمساجد والكنائس والأسر علشان نحافظ على بلدنا فالحمد لله منقلقش من الخارج، لأننا إن شاء الله أحنا بخير، طيب الأزمات اللى بره، أحنا نطفى حرائق ولا نشعلها، وأحنا هنقابل ربنا بكده، الناس مش واخدة بالها، كل نقطة دم أنا سببها هاتحاسب عليها، كل خراب أنا سببه هتحاسب عليه فالحمد لله من ساعة ما ربنا أراد أن أكون موجود هنا حرصت أن يكون إيدي كده، في 2011 وحتى سنتين فاتوا مكونتش بادئ بالعدوان في سينا أبدا كانوا هما اللى بيهاجموا وكنت دايما بقول يا رب، كنت هضيع 100 مليون، هعمل إيه هيخربوا الدنيا كلها بيدمروا المساجد والكنائس مستقبل دولة وربنا حكيم وعليم، فاطمنوا علينا، بنتحرك بكل جهد علشان يبقا فيه وقف إطلاق نار وإطلاق للرهائن وإعمار لغزة وحل دائم للموضوع وربنا يعنا على ذلك".

رسالة الرئيس السيسى لـ«المحتكرين»

وجه الرئيس عبد الفتاح السيسي الحكومة بدراسة المشاركة في ضبط الأسواق من خلال طرح السلع في الأسواق، قائلا: "يا دكتور مصطفي الناس اللى بتشتغل في القطاع الخاص فيما يخص السلع، من قبل مني لما قالوا اقتصاد حر كان الهدف أن ندي الفرصة للكل والحكومة تراجعت عن هذا الدور، طبعا بدون شك بعترف أن الفترة اللى فاتت صعبة، تجاوزنا الفترة دى وفيه استقرار".

وأضاف السيسي،: "لما نواجه الاحتكار والمؤسسات المعنية، خشوا وهاتوا سلع بـ 2 -3 مليار علشان نعمل توازن فى السوق، مش هقدر أقول ولا هشكك فى ذمم حد ولا في ضمائر حد ولا وطنية حد، يعني تعمل كده وتطلع تحج أو تطلع زكاة، مش بقول حد وحش، نخش ونبعت نجيب سلع والدولة تخش تاني، واحنا اللى بنوفر الدولار لهم، طب خلاص".

السيسي: إحنا فى وضع أحسن كتير والأمور بتتحسن وهتتحسن

أكد الرئيس عبد الفتاح السيسي، أن الأوضاع داخل الدولة المصرية فى تحسن كبير، متابعا: "النقطة التانية الخاصة بالموقف الداخلى، بطمنكم بفضل الله سبحانه وتعالى، وعمرى ما هقول كلام كده، احنا في وضع أحسن كتير والأمور بتحسسن وهتتحسن أفضل كده علشان نتجاوز الأزمة دى، وربنا سبحانه وتعالي يساعد اللى بيساعد نفسه، الحمد لله رب العالمين أحسن ومستمرين".

ومازح الرئيس عبد الفتاح السيسي السيدات خلال كلمته في احتفالية يوم المرأة المصرية والأم المثالية 2024، قائلا: «متحطوش سكر كتير على الكنافة، الدكتور مصطفي مدبولى رايح يجيب مليون طن سكر، علشان الأزمة، هنجيب مليون طن سكر، انتوا اللى فاتحين البيوت وربنا يعينكم».