وجه الرئيس عبد الفتاح السيسي رسالة عاجلة للمصريين، قائلًا: «عايز انبه المصريين اللي بيروحوا يوقفوا مع ولادهم في المراكز عشان يعلموهم في ثانوي أنا معاكم اعملوا اللي انتو عايزينه لكن لو انتم موقفتوش مع ولادكم يا مصريين من ابتدائي وإعدادي وثانوي عشان تعلمهم الكلام ده، فرص إن إحنا نبقى أغنيا هتبقى قليلة.
وقال الرئيس السيسي، أدعو الأسر المصرية لتغيير بوصلة تعليم أبنائها للمجال الرقمي، مؤكدا أنه تم إنفاق مليارات الدولارات لتجهيز مصر للانطلاق الحقيقي في عالم يتقدم بمنتهى السرعة.
وتابع الرئيس عبد الفتاح السيسي، قائلا :" عايزين كلكوا تدخلوا ولادكوا حقوق وتجارة، مع كل التقدير، طيب هيطلع يشتغل أيه؟، وتقولوا مبيشغلوناش ليه؟"، مضيفا أنه "تم الاهتمام بقطاع التعهيد في المدارس و الجامعات و اختيار الأصلح وسيحقق النمو المطلوب".
وأشار الرئيس عبد الفتاح السيسي إلى، أن قطاع الاتصالات من الممكن أن يستوعب عمالة كبيرة ويجب تجهيز العنصر البشري للإستفادة من ذلك.
كما تحدث الرئيس عبد الفتاح السيسي، عن فرص العمل المتاحة والكبيرة في مجال الاتصالات وتكنولوجيا المعلومات، متابعا: "ده أكبر قطاع ممكن، وبقول الكلام ده للمصريين والناس اللى بتعلم ولادها من الكلام ده، بلد فيها 106 ملايين، العنصر البشري المطلوب فيها قليل، أرقام غير خالص اللى الدكتور عمرو طلعت وزير الاتصالات فرحان بيها، مصر لو عندها كوارد بشرية متقدمة وهو بيتكلم هنا عن التعهيد، ممكن أوى وما خرجتش عن المحاضرة والكلام بتاعنا".
وأوضح الرئيس السيسي، خلال كلمته في افتتاح مركز البيانات والحوسبة السحابية، "بنبه المصريين لتعليم ولادهم في مراكز للثانوية العامة، علشان يتعلموا التطور التكنولوجي، فرص بتوفر 20 و30 و40، المجال ده عاوز مليون كل سنة، إحنا في مصر فين؟، ما جرحتش عن الكلام ده، إحنا بنعمل حاجات كتير أوي وكتير من الناس البسطاء مايعرفوش، ولاد في إعدادي وابتدائي دلوقتي، خليكم في اللى بنتكلم فيه، على المستوي الثالث "البرمجة الحديثة" يعمل بـ 100 ألف دولار في السنة".
قال الرئيس عبد الفتاح السيسي، إنه عند إنشاء العاصمة الإدارية سعينا لتحقيق الريادة في مجال تكنولوجيا المعلومات، موضحا إن مصر تمتلك موقعا متميزا يمكن استغلاله جيدا في الكابلات البحرية، مشيرا إلى أن مصر تعتبر نقطة ومحورا رئيسيا لنقل البيانات في العالم.
وأشار السيسي، إلى أنه من الضروري تجهيز بنية أساسية متكاملة للحفاظ على دور مصر كنقطة رئيسية لنقل البيانات في العالم، لافتا إلى أنه تم انفاق مليارات الدولارات لتجهيز مصر للإنطلاق الحقيقي في عالم يتقدم بمنتهى السرعة.
قال الرئيس عبدالفتاح السيسي، إن الدولة استهدفت توفير التكلفة المالية التي تدفع في استضافة بياناتنا في الخارج، معلقا بالقول: «إحنا كدولة كنا من ضمن الحاجات اللى بنعملها قالوا استضافة للبيانات لا إحنا دلوقتي كنا بنودي بياناتنا تبقا موجودة بره.. ده نظام موجود في الدنيا بس قولنا نوفر التكلفة المالية».
وأضاف الرئيس السيسي "بدأنا نبقا في الريادة من 2018 وإحنا بنعمل العاصمة قلنا لابد إن إحنا كل وزارة عاملة نظام خاص بيها عندها سيرفراتها في مبنى الوزارة، لما جينا عملنا الانتقال في مكان جديد ما كانش مباني جديدة يبقا شكلها كويس، لكن عملنا معايير طبقا للموجودة في العالم، وكان توجيهنا إنه يبقا معمول مراكز بيانات وقلت ما حدش هيروح يعمل مركز البيانات يبقا واحد ويبقا متصل بالحكومة ومش هيبقا نهايات طرفية فقط لانها هتبقا في مكان مؤمن تأمين كامل.
وأوضح الرئيس السيسي: "الصالات دي ما حدش مسموح يخش والناس اللى بتبقا موجودة بره الصالات دي..الكلام ده حرصنا على إنشاء رقمنة في مصر تحقق لنا التقدم المطلوب ومانبقاش متخلفين عن الآخرين باستفادة ضخمة دا لانا تصوروا لو الحكومة بتعمل بينها وبين بعضها تستطيع أن تعمل من خلال الحواسب وتبادل المعلومات مع باقى الوزارات المختلفة".
وشهد الرئيس عبد الفتاح السيسي، صباح اليوم الأحد 28 أبريل 2024، افتتاح مركز البيانات والحوسبة السحابية الحكومية، بحضور كبار رجال الدولة.
ويشمل مركز البيانات والحوسبة السحابية الحكومية «P1»، الآتي:
-مراكز البيانات والحوسبات السحابية هى جوهر التحول الرقمى وأحد أهم الأعمدة التى يرتكز عليها الاقتصاد العالمي حالياً، أضافت أفاقاً جديدة لريادة الأعمال فى كافة المجالات والصناعات، خلق فرص جديدة للجمع بين عدة مجالات فى بيئة عمل واحدة
- تتميز الحوسبات السحابية عن مـراكز البيانات التقليدية بقدرتها على مشاركة الموارد إفتراضياً
وتوفير التقنيات الحديثة لتقديم خدمات أكثر وسعات تخزين مـرنة
- تم البدء فى إنشاء مراكز البيانات لتعزيز الريادة المصـرية إقليمياً ودولياً
لـترسيخ مكانة مـصر كممر رقمى لنقل البيانات وقيادة أسواق مـراكز البيانات فى الشـرق الأوسط وأفريقيا إرتباطاً بموقع مصـر الذى يتوسط العالم
-عام 2023 وجه رئيس الجمهورية بالبدء فى إنشاء مركز البيانات والحوسبة السحابية (P1) كأول مـركز يقدم خدمات "تحليل ومعالجة البيانات الضخمة - الذكاء الاصطناعي" فى مصر وشمال أفريقيا طبقاً لأحدث التقنيات العالمية .
- تبلغ مساحة المـركز (23500) م2 ، تم إستغلال (10000) م2للإنشاءات الحالية
والباقى للتوسعات المستقبلية، وذلك بإشتراك أكثر من (15) شركة محلية / عالمية، وأكثر من 1200 مهندس / عامل، أكثر من (5000) ساعة عمل .
