إشتكى الفنان حمادة صميدة من تجاهل رملائه فى الوسط الفنى له، وعدم سؤالهم عليه من خلال منشور كتبه على صفحته الرسمية على موقع التواصل الإجتماعى "فيس بوك".
وتداول رواد السوشيال ميديا والمواقع الصحفية ما كتبه صميدة، مما جعله يقوم بحذف المنشور، موضحاً أنه لا يستعطف أحد، ولا يريد منّ من أحد، فقط يحزنه تجاهل أصدقائه له.
وكتب صميده: عمرى ما طلبت استعطاف الناس، الإستعطاف ضعف وقلة حيلة، وأنا عمرى ماهكون ضعيف، أنا لما إتكلمت عن صحابي اللي اكلت معهم عيش وملح اتكلمت بعشم عشان أنا بحبهم، مكنتش مستني بروباجندا وإن الموضوع يتاخد مني فى السوشيال ميديا.
وتابع: مسحت البوست اقسم بربي انا دماغي مش كدا أنا أكبر من الكلام ده، أنا معنديش ولا أصحاب طفوله ولا أصحاب خارج المهنه ولا أصحاب فى المهنة، وكل اللي أعرفه مجرد ما الف وشي وأمشي يتجاهلوني تماما، وبسأل نفسي كتير هو ايه الغلط اللي فيا.
وأضاف: أقسم بالله العظيم انا ما أقصد حد أنا بتكلم بعشم ولا أقصد حد ولا أقصد أجرح شخص بس إنتوا متخيلين لما تكونوا صحاب وتجري وتسأل ومجرد ماتلف وشك وانت مبسوط وتتفاجئ انك انت بس اللي بتسأل وهما مبيسألوش ولا فون ولارساله، والحمدلله عندي ناس كتير بتحبني بس هما فين صحابي اللي ممكن أخد رأيهم فى أي حاجه.
وأكمل: الصحاب اللي كانت موجوده وأنا منور يمكن عشان أنا انطفيت شويه فشافوا اللي منور عني، الله يسهلهم ويرزقهم ويكرمهم انا فاكرهم كويس جدا من كام سنه كانوا معايا ودلوقتي بقوا فين.
