قال الرئيس عبدالفتاح السيسي، إن كل إجراء لم يتم أخذه منذ 40 و 50 سنة ندفع ثمنه حاليا، موضحا: “ليه دخلنا في عمق الصحراء رغم أن الشريط الملاصق للنيل يبتزرع بانحدار طبيعي للمياه يعني مش محتاجين حاجة ومفيش مشكلة”.
تابع أنه بالنظر من أعلى الشريط الموازى للنيل خلال السنين الماضية فتم بالفعل البناء عليه متناسيين الظهير الصحراوي الذي يمكن استغلاله في البناء وترك الأراضى الزراعية”.
وأضاف الرئيس السيسي خلال افتتاح مشروع مستقبل مصر الزراعي، :”فيه نقاش وحوار في البلد فيه حراك كبير جدا واحنا سعداء بيه.. لكن بقول لكل اللى بيسمعنى من فضلكم الدولة كلامها حاجة تانية وإجرائها عاوز حاجات كتير من الدراسات هتدي 100 سنة ولا لا؟ ولا الموضوع في وقته، ممكن حد يقول بتتكلفه التكاليف دي ليه؟”.
وتساءل ما هي البدائل إن لم يحدث ذلك إذا كنا خلال العشر سنوات الماضية زدنا 20 مليون نسمة فهل إنتاجنا يستطع تغطية طلبات العشرين مليون من السلع الأساسية، قائلا: “معندناش خيار تاني حتى تقولى نستورد من بره، طيب الأزمة الموجودة دلوقتى كاشفة للموضع ده”.
وأشار إلى أنه لا يمكن الانتظار طيلة هذه المدة، وأن مقدار 400 ألف فدان قمح لن يتم بأقل من مليون طن، موضحا: “القضية مش بقت بكام لكن هما متاحين في السوق العالمى ولا لأ؟”.
واستفسر الرئيس السيسي عن وضع الأراضى المخصصة لبعض المستثمرين، قائلا: “شوفت أن فيه أراضى في نطاق الأراضى دى مش تبع مستقبل مصر، ولقيت الأرض دى مش واضح أنه بيتعمل فيها شغل طيب انتوا خصصتوا الأراضى دى للمستثمرين، ولسه متزرعتش طيب ما نراجع مع الناس اللى موجودة هناك، وتطلع لجنة لو فيه مشكلة ما نساعد في حلها نشجعهم علشان تتزرع الأراضي دى”.
